ಗಣಿತದಂತಹ ಅಮೂರ್ತ ವಿಷಯಗಳು ಮಹಿಳೆಯರ ಶಕ್ತಿಗೆ ಮೀರಿದ್ದು ಎಂದು ಎಲ್ಲರೂ ನಂಬಿದ್ದರು. ಈ ಎಲ್ಲಾ ಅಡೆತಡೆಗಳನ್ನು ದಾಟಿ ಅನೇಕ ಪ್ರತಿಷ್ಠಿತ ಮಹಿಳಾ ಗಣಿತಜ್ಞರು ಮಹತ್ತರವಾದ ಸಂಶೋಧನೆಗಳನ್ನು ಮಾಡಿ ಒಂದು ಇತಿಹಾಸವನ್ನೇ ಸೃಷ್ಟಿಸಿದ್ದಾರೆ. ಥಿಯಾನೊ, ಹೈಪಾಶಿಯಾ, ಮರಿಯಾ ಅಗ್ನೇಸಿ, ಸೋಫಿ ಜರ್ಮೇನ್, ಸೋನಿಯಾ ಕೊವಲೆವಿಸ್ಕಯ, ಎಮ್ಮಿ ನಾಯ್‌ಥರ್, ಇವರೆಲ್ಲರೂ ಇತಿಹಾಸದ ಪುಟಗಳಲ್ಲಿ ಗಣಿತದ ದಂತಕಥೆಗಳಾಗಿ ಉಳಿದಿದ್ದಾರೆ. ಗಣಿತದ ನಿಯತಕಾಲಿಕೆಗಳಲ್ಲಿ Ladies Diary ಹೆಚ್ಚು ಜನಪ್ರಿಯವಾಗಿದ್ದಲ್ಲದೆ ಮಹಿಳೆಯರಿಗೆ ಗಣಿತದ ಸೌಂದರ್ಯವನ್ನು ಸವಿಯಲು ಉತ್ತೇಜಿಸುತ್ತಿತ್ತು. ಕ್ರಿ.ಶ. 17 ಮತ್ತು 18ನೇ ಶತಮಾನದ ವೇಳೆಗೆ ವಿದ್ಯಾಭ್ಯಾಸ ಮಾಡುವ ಮಹಿಳೆಯರಿಗೆ ಮತ್ತಷ್ಟು ಪ್ರೋತ್ಸಾಹ ದೊರೆಯಿತು. ಈ ಕೃತಿಯಲ್ಲಿ ಮಹಿಳೆಯರ ವಿದ್ಯಾಭ್ಯಾಸಕ್ಕೆ ಆಗುತ್ತಿದ್ದ ತೊಂದರೆಗಳನ್ನು ಸಹ ವಿವರಿಸಲಾಗಿದೆ. ಶಿಲಾಯುಗದಲ್ಲಿ ಅನೇಕ ಸಂಖ್ಯಾ ಪದ್ಧತಿಗಳು ಇದ್ದವು ಎಂಬುದಕ್ಕೆ ಸಾಕಷ್ಟು ಅಧಾರಗಳನ್ನಿಲ್ಲಿ ನೀಡಿದೆ.

ಅನುವಾದಕಿ, ಲೇಖಕಿ ಪದ್ಮಾವತಮ್ಮ ಅವರು 1949 ಮಾರ್ಚ್ 12 ರಂದು ಜನಿಸಿದರು. ಗಣಿತದಲ್ಲಿ ಸ್ನಾತಕೋತ್ತರ, ಪಿ.ಎಚ್.ಡಿ ಪದವಿ ಪಡೆದ ಅವರ ಮಾನಸ ಗಂಗೋತ್ರಿಯಲ್ಲಿ ಗಣಿತಶಾಸ್ತ್ರದ ಪ್ರಾಧ್ಯಾಪಕಿ ಹಾಗೂ ಛೇರ್‌ಮನ್. ವಿವಿಧ ದೇಶಗಳಲ್ಲಿ ಪ್ರಬಂಧ ಮಂಡನೆ ಮತ್ತು ಅತಿಥಿ ಉಪನ್ಯಾಸಕರಾಗಿ ಉಪನ್ಯಾಸ ನೀಡಿದ್ಧಾರೆ. “ಮಹಾವೀರಾಚಾರ್ಯರ “ಗಣಿತ ಸಾರಸಂಗ್ರಹ” , “ಧವಳ ಷಟ್ ಖಂಡಾಗಮ” ಅವರ ಅನುವಾದ ಕೃತಿಗಳು. ’ಜೀವ ಸ್ಥಾನ, ದ್ರವ್ಯಪಾರಮಾನುಗಮ, ಧವಳ ಷಟ್ಖಂಡಾಗಮ, ಫಿಲಾಸಫರ್‌ ಕರ್ಮ ಸೈಂಬಸ್ಟ್ಸ್ ಅವರ ಮತ್ತಿತರ ಕೃತಿಗಳು. ಶ್ರೀ ಸಿದ್ದಾಂತ ಕೀರ್ತಿ ಪ್ರಶಸ್ತಿ, ಸಾಧನ ಪುರಸ್ಕಾರ, ಚಂದ್ರಾಣಿ ಸ್ಟತಿ ಪುರಸ್ಕಾರ, ಶ್ರುತ ಸಂವರ್ಧನ ಪುರಸ್ಕಾರ, ಶ್ರೀ ಗೋಮಟೇಶ್ವರ ವಿದ್ಯಾಪೀಠ ರಾಷ್ಟ್ರೀಯ ಪುರಸ್ಕಾರ ಮುಂತಾದ ಪ್ರಶಸ್ತಿಗಳು ಅವರಿಗೆ ಲಭಿಸಿದೆ.